ನನ್ನೊಳಗಿಹನಾರು?

ಆತ್ಮವೋ ಪ್ರೇತಾತ್ಮವೋ ದೇಹತುಂಬಿ ಕೊಂಡಿದೆ
ರಕ್ತ ..ಚರ್ಮ..ಎಲ್ಲಾ ಸೇರಿ ದೇಹವೆನಿಸಿ ಕೊಂಡಿದೆ...
ವಿಜ್ಞಾನ ಹೇಳುವಂತೆ ಜೀವ ಕೋಶದ ದೇಹವೋ..
ಈ ಹೇಹ ಆತ್ಮ ತುಂಬಿದ ಭಾವವೋ...

ಬಿಡಿಸಿದಷ್ಟು ಸುರುಳಿ ಸುತ್ತಿ ಕಾಡುತಿದೆ...
ಬಿಡಿಸಲೋದವರ ಕೊರಳ ತುಂಬಾ ಉರುಳಾಗುತಿದೆ
ಆತ್ಮ ಪಡೆಯುವುದು ಆನಂದ
ಬಿಡಿಸಿಕೊಂಡಾಗಲೇ ಇಹ ಪರದ ಬಂಧ

ಇದು ಬಿಡಿಸಿದರೆ ತುಂಬಾ ಸರಳ
ಅದ ಬಿಡಿಸುವರೇ ವಿರಳ
ಮರಳ ಮನೆಯ ಮಾಡಿ ಆಸೆ ತುಂಬಾ ಬೇಡ ಮರುಳ

ತುಂಬ ದೀರ್ಘ ಆದಿ ಜಗದ ಕಾಲ
ಇಲ್ಲಿ ನೀನಿರೋದು ಸ್ವಲ್ಪ ಕಾಲ
ತಿಳಿದರು- ತಿಳಿಯದಿದ್ದರು  ಬದುಕುವ ಮಾರ್ಗ
ತಿಳಿಯದಿರೆ ಇಲ್ಲೇ ನರಕ ತಿಳಿದರೆ ಇಲ್ಲೇ ಸ್ವರ್ಗ
                     
                ರಚನೆ
      ಶ್ಯಾಮ್ ಪ್ರಸಾದ್ ಭಟ್