ಜೀವ ನದಿ

ತೊಡರುಗಳ ನಡುವೆ ಜನಿಸಿದ ಪುಟ್ಟ ನದಿ
ಪಯಣದಿ ಸ್ನೇಹಿತರ ಕೂಡುತ್ತ
ತನ್ನ ಒಗ್ಗಟ್ಟಿನ ವಿಸ್ತಾರವ ಹಿಗ್ಗಿಸುತ್ತ
ಶರಧಿ ಕಾಣುವ ತವಕದಿ ಸಾಗಿದಳು ಭರದಿ

ಕಾಡು ನಾಡಿನ ಜೀವಿಗಳ ಜೀವನಾಡಿ
ಜೀವ ತುಂಬುವ ಜೀವ ನದಿ

ವರ್ಷ ಋುತುವಿನಲಿ ಪುಟ್ಟ ಹನಿಯಾಗಿ
ಭುವಿಗೆ ಬರುವೆ.....
ಭುವಿಯ ಗೆಳೆಯರ ಕೂಡಿ
ಭೋರ್ಗರೆದು ಹರಿವೆ.....

ವರ್ಷ ಋುತುವಿನಲಿ ರೌದ್ರ ರೂಪವ ತಾಳುವೆ
ಮಾನವ ಪಾಪ ಕೂಪಗಳ ಕೊಚ್ಚಿ ತೊಳೆವೆ
ಮುಂಜಾವು ಸಂಧ್ಯಾ ಕಾಲದಿ ಚಿನ್ನದ ರೂಪದಿ ಹೊಳೆವೆ
ನಿನ್ನ ಮಡಿಲ ತೀರದಿ ಮಲಗಿ ನನ್ನೇ ನಾ ಮರೆವೆ...

ನಿನ ಮುಂದೆ ನಾನಲ್ಲ ಶೂರ
ಬದುಕಿದ ಇತಿಹಾಸವುಂಟೆ ನೀರ ಕುಡಿಯದ ವೀರ..

                               ರಚನೆ   
                  ಶ್ಯಾಮ್ ಪ್ರಸಾದ್ ಭಟ್