ಅನ್ನದಾತ

                                      

ನಾನು ನಿಮ್ಮ ಊರಿನ ರೈತ
ಗೌರವದಿ ಕರೆವರೆನ್ನ ಅನ್ನದಾತ
ನೆಚ್ಚಿ ಬದುಕಿಹೆ ಈ ನೇಗಿಲ
ಭೂ ತಾಯ, ಮಾಳಿಗೆ ಮುಗಿಲ

ಉತ್ತು ಬೆಳೆವೆ ಬೆಳೆಯ
ಕಿತ್ತೆಸೆದು ಬೇಡದ ಕಳೆಯ
ಹೇ ದೇವ ಸುರಿಸು ಭುವಿಗೆ ಮಳೆಯ
ನಾ ನಿನ್ನನ್ನೇ  ನಂಬಿರುವ ಗೆಳೆಯ

ಹೆಸರಿಗೆ ನಾನಂತೆ ದೇಶದ ಬೆನ್ನಲುಬು
ಊರಿಗೆ ನನದಂತೆ ಬಡ ಕಸುಬು
ಬೇದ ಮಾಡದೆ ಉಣುವಿರಿ ನಾ ಕೊಟ್ಟ ಅನ್ನದಲಿ
ಬೇದ ತೋರುವಿರೇಕೆ ನಾ ತೊಟ್ಟ ಬಟ್ಟಿಯಲಿ

ಯಾರೇನೆ ಹೊಗಳಲಿ ತೆಗಳಲಿ
ಉಳುವುದೇ ನನ ಕುಲ ಕಸುಬು
ಶತಮಾನಗಳು ಉರುಳಿದರು ನಾನೇ ದೇಶದ ಬೆನ್ನೆಲುಬು

                ರಚನೆ
       ಶ್ಯಾಮ್ ಪ್ರಸಾದ್  ಭಟ್
            ಮೂಡಿಗೆರೆ