ಚಳಿಗಾಲ

ಚಳಿಗಾಲ

ಪ್ರಾರಂಭ ಡಿಸೆಂಬರ್ ಚಳಿಗಾಲ
ನಡುಗಿಸುತಿಹುದು ಆವರಿಸಿ ಕೈ ಕಾಲ
ಹೊರಗೆ ವಾತಾವರಣ ತುಂಬಾ ಚಳಿ
ಹೊರ ಬರಲಾಗುತ್ತಿಲ್ಲ ಬಿಟ್ಟು ಕಂಬಳಿ

ಮುಂಜಾವು ಹೊರಟೆ ಸುತ್ತಿ ಬರಲು ನಮ್ಮ ಹಳ್ಳಿ
ನೋಡುತ ಸಾಗಿದೆ ಗಿಡ ಮರ ಬಳ್ಳಿ
ಸುಂದರ ನೋಡಲು ಹೊರಗಿನ ಮಂಜು ಮುಸುಕು
ಏನಂದರು ಕಷ್ಟವೇ ತೆಗೆಯುವುದು ಕಂಬಳಿ ಮುಸುಕು

ಮುಂದೆ ಜೊತೆಯಾದ ನನ್ನ ಸ್ನೇಹಿತ ನಾಯರ್
ಜೊತೆಗೆ ಕರೆ ತಂದಿದ್ದ ತನ್ನ ನಾಯಿ ಡಾಬರ್
ಉದಯಿಸುತಿದ್ದ ರವಿ ಮಂಜಿನ ಪರದೆ ಸರಿಸಿ
ಸುತ್ತೆಲ್ಲ ತನ್ನ ಕಿರಣಗಳ ಕಾಂತಿ ಪಸರಿಸಿ

ಸಾಗಿತ್ತಾಗಲೆ ಅರ್ಧ ಸುತ್ತು
ಬಾಲ್ಯದ ನೆನಪುಗಳು ಸುಳಿದಾಡುತಿತ್ತು
ಸುಂದರ ನಮ್ಮ ಹಳ್ಳಿಯ ನೋಟ
ಮರೆಸುವುದು ಒಮ್ಮೆಲೆ ಜೀವನದ ಜಂಜಾಟ
                          ರಚನೆ
        ✍   ಶ್ಯಾಮ್ ಪ್ರಸಾದ್ ಭಟ್