ನಿವಾಸ
ಮನೆಗೆ ಹೆಸರಿಡುವುದು ಇತ್ತೀಚೆಗೆ..... ಒಂದು ಸಂಪ್ರದಾಯವಾಗಿದೆ..
ಬಹಳ ಹಿಂದಿನಿಂದ ಜನರ ಜಾತಿ ...ಸಮಾಜದಲ್ಲಿನ ಸ್ಥಾನ ಮಾನ ಆಧಾರಿತವಾಗಿ ..
ಪಟೇಲರ ಮನೆ ....ಶೆಟ್ಟರ ಮನೆ ....ಭಟ್ಟರ ಮನೆ....ಕೆಳಗಿನ ಮನೆ....ತೊಟ್ಟಿ ಮನೆ ಹೀಗೆ ಸ್ವಯಂ ಆಕಾರಕ್ಕೋ....ಯಜಮಾನನ ಸ್ಥಾನ ಮಾನ ...ಆಧಾರಿತವಾಗಿಯೇ ಮನೆಗೆ ಹೆಸರು ಬಂದಿರುತಿತ್ತು....
ಆದರೆ ಹಳ್ಳಿ ಬದಲಾಗಿ ಬಡಾವಣೆಯಾದ ಮೇಲೆ ಎಲ್ಲಾ ಒಂದೇ ರೀತಿ ಕಾಂಕ್ರಿಟ್ ಕಟ್ಟಡಗಳ ನಡುವೆ ತನ್ನ ಮನೆಯನ್ನು ಗುರುತಿಸಲು ಅದಕ್ಕೊಂದು ಹೆಸರು...ಮುನ್ಸಿಪಲ್ ನವರು ಮನೆ ಏಣಿಸಿ ಹಾಕಿದ ನಂಬರು...ಇರುವುದು....ಸಹಜವಾಗಿ ಬಿಟ್ಟಿದೆ....
ನಗರದಲ್ಲಿ ಒಬ್ಬರ ಮುಖ ಒಬ್ಬರಿಗೆ ಪರಿಚಯಿಸಿಕೊಳ್ಳಲು ಒಪ್ಪದವರು...ಅಥವಾ ಸಮಯವಿಲ್ಲದವರನ್ನ...ಸ್ವಯಂ ಆಗಿ ಅವರ ಸ್ಥಾನ ಮಾನ ದಿಂದ ಮನೆಗೆ ಹೆಸರು ತಂದು ಕೊಡುವುದು ಕಷ್ಟ ವೆಂದೋ ಏನೋ...ಕಟ್ಟಡ ಕಟ್ಟಿದ ನಂತರ ತಾವೇ ಒಂದು ಚಂದದ ಹೆಸರಿಡುತ್ತಾರೆ......
ಹಳ್ಳಿಯವನಾದ ನಾನು ಒಮ್ಮೆ ನಗರಕ್ಕೆ ಬಂದಾಗ ಒಂದು ಬಡಾವಣೆಯಲ್ಲಿ ನೆಡೆದು ಹೋಗುವಾಗ ಗಗನದೆತ್ತರಕ್ಕೆ ಎದ್ದು ನಿಂತ ಮನೆಗಳನ್ನು ಗಮನಿಸುತ್ತಾ ಸಾಗಿದೆ...
ಒಂದೊಂದು ಮನೆಗೂ ಒಂದೊಂದು ಹೆಸರು ನಾನು ಈ ಕಡೆ ಯಿಂದ ಆ ಬೀದಿಗೆ ಹೋಗುವಾಗ ಕಂಡ ಮನೆಗಳ ಹೆಸರುಗಳು ....ಮೊದಲನೆ ಮನೆ ಶಾಂತಿ ನಿವಾಸ....ಎರಡನೆ ಮನೆ " ನೆಮ್ಮದಿ "ನಿವಾಸ...
"ಕರ್ಮ "ನಿವಾಸ
ಜೇನು ಗೂಡು.... ದುಂಬಿ ನಿಲಯ
ಹೀಗೆ ಅನೇಕ ಮನೆಗಳ ಹೆಸರು ಕಂಡು ಪಕ್ಕದ ಬೀದಿಯಲ್ಲಿ ನನ್ನ ಕೆಲಸ ಮುಗಿಸಿ ಅದೇ ಬೀದಿಯಲ್ಲಿ ಹೊರಟೆ ಇತ್ತ ಕಡೆಯಿಂದ ಹೊರಟಾಗ ಮೊದಲ ಮನೆ ದುಂಬಿ ನಿಲಯ .....ದ ಬಳಿ ಹೊಗುತಿದ್ದಂತೆ...ಮನೆಯ ಒಳಗೆ ಸಣ್ಣದಾಗಿ ಜಗಳದ ಸದ್ದು ಕೇಳಿಸಿತು ....ಆಗ ನನ್ನ ಮನದಲ್ಲೆ ಇದು ದುಂಬಿ ನಿಲಯವಲ್ಲ ದೊಂಬಿ ನಿಲಯ ಎಂದು ಕೊಂಡು .... ಮುಂದೆ ಸಾಗಿದೆ ....ಮುಂದಿನ ಮನೆ ಜೇನು ಗೂಡಲ್ಲಿ ...ಇದ್ದದ್ದು ಗಂಡ - ಹೆಂಡತಿ ದಂಪತಿಗಳು ಮಾತ್ರ....
ಮುಂದೆ ಸಾಗಿದೆ....ಕರ್ಮ ನಿವಾಸ
ಅರ್ಥ ವೇ ಗೊಂದಲಕ್ಕೀಡು ಮಾಡಿತು.....ಇದು ಯಾವ ಕರ್ಮ ಎಂದು ....ತಿಳಿಯದೆ
ಹಾಗೇ ಮುಂದೆ ಸಾಗಿದೆ ....
ನೆಮ್ಮದಿ ನಿಲಯದ ಮುಂದೆ ಪಕ್ಕದ ಶಾಂತಿ ನಿಲಯದ ಮನೆಯವರ ನಡುವೆ ಯಾವುದೋ ಸಣ್ಣ ವಿಚಾರಕ್ಕೆ ಶಾಂತಿ ನೆಮ್ಜಮದಿಗಳಿಗೆ ಜಗಳವಾಗುತಿತ್ತು...
ಆಗ ನನಗನ್ನಿಸಿದ್ದು...
ಈ ನಗರದಲ್ಲಿ ಮನೆಯಲ್ಲಿ ಯಾವುದು ಇಲ್ಲವೋ ಅದನ್ನೇ ಮನೆಯ ಹೆಸರಾಗಿಟ್ಟಿರುತ್ತಾರೆ ಎಂಬುದು....
ಹೊಲ ಗದ್ದೆ ಮಾರಿ ಕಟ್ಟಿದ ಮನೆಗೆ ಐಶ್ವರ್ಯ ನಿವಾಸ..
ಮನೆಗೆ ತೆರಳುವಾಗ ನನ್ನ ಹಳ್ಳಿಯ ಬೀದಿಯಲ್ಲಿ ಹೋಗುವಾಗ .....ಬೀರೇಶ್ವರ ನಿಲಯ....ವೇಂಕಟೇಶ್ವರ ನಿಲಯ...
ಮಾದೇಶ್ವರ ನಿವಾಸ...
ಎಲ್ಲಾ ದೇವರ ಹೆಸರುಗಳೇ....ಹೌದು ಹಳ್ಳಿ ಗರಾದ ನಮಗೆ....ಶಾಂತಿ...ನೆಮ್ಮದಿ ..
ಐಶ್ವರ್ಯ ...ಎಲ್ಲಾ....ಭಗವಂತನೇ...ಎಂಬುದು....
ರಚನೆ...
ಶ್ಯಾಮ್ ಪ್ರಸಾದ್ ಭಟ್
