ಮೃಗವಾಣಿ
ಕ್ರೂರತೆಯ ಕೊರಳಿನಲ್ಲಿ ತೊಟ್ಟು
ನಗದ ಮೊಗದ ಗಂಭೀರವನಿಟ್ಟು
ಜಗ್ಗದ ಕುಗ್ಗದ ಹೆಜ್ಜೆಯನಿಟ್ಟು
ನೆಡೆದು ಬಂದ ಕಾಡಿನ ಕಂಠೀರವ
ಇವನ ಘರ್ಜನೆ ಅತಿ ರೌರವ
ರಕ್ಷೆಗೆ ಸಿಂಹವ ಕೂರಿಸಿ
ಯುಕ್ತಿಗೆ ನರಿಯ ನೇಮಿಸಿ
ಕಾಡ ಮೃಗಗಳೆಲ್ಲವು ನಮಿಸಿ
ಪಟ್ಟಾಭಿಷೇಕವ ಪೂರೈಸಿದವು
ಪ್ರಭುವೇ ನಮ್ಮ ಮೊರೆಯ ಕೇಳಿ
ನೂರ್ಕಾಲ ನಮ್ಮನಾಳಿ ಎಂದು ಹರಸಿದವು
ಸಿಂಹ ರಾಜ್ಯದಿ ಮರುದಿನದಿ
ಹಸಿದ ಸಿಂಹವು ಹಲ್ಲ ಮಸೆದು
ಬಡ ಪ್ರಾಣಿಯ ರಕ್ತ ಸವಿದು
ಬಡ ಪ್ರಾಣಿಗಳೆಲ್ಲ ಗುಂಪು ಸೇರಿ
ಸಿಂಹದ ಅನ್ಯಾಯವ ಸಾರಿ
ಬಡ ಮೊಲದ ಕೂಗು ಧ್ವನಿಸಿತು
ಸಿಂಹದ ನೇಮಕ ನಮ್ಮ ರಕ್ಷಣೆಗೋ?
ನಮ್ಮೆಲ್ಲರ ಭಕ್ಷಣೆಗೋ...?
ಉತ್ತರ ??? ಮೌನ
ರಚನೆ
ಶ್ಯಾಮ್ ಪ್ರಸಾದ್ ಭಟ್
